Tournament ng mga Mutya at AGIMAT By Late Maestro Col. Genro Ymas

 

 

                     

ARAL NG BABAYLAN

Tournament ng mga Mutya at AGIMAT

By Late Maestro Col. Genro Ymas

Founder of KOG (Key of God)

Posted August 6, 2019 01:55 PM

1st Daigdig ng Kababalaghan Group

 

 

 

 

 

 

Taong 1975; ng nagbakasyon ako sa Numancia, Aklan.Ipinakita ng tiyahin kong si Nanay Osing ang mga Agimat at mga Mutya na naiwan ng Bayaw niyang isang Babaylan na nagngangalan Rodrigo Isidro, na may alias na Talahib.Bale 68 na piraso at ibat-ibang hugis, kulay, at gamit.Nagkainteres ako, pero hinanap ko ang Talahib na ito upang magpaturo sa kanya ng mga pamamaraan at kung ano-ano ang pagagamitan ng mga batong nasa akin. Sa tulong ng mga kaibigan natuntun ko siya at sa una naming pagkikita ay nasilaw siya sa akin.Tila napakaliwanag ko raw kaya para matitigan niya ako ay hinigop niya ang kapangyarihang nasa akin at nawala ang liwanag at nakapag-usap kami.Talagang gusto na niyang bitiwan ang mga Agimat at Mutya niya at gusto na niyang mag-aral sa Divina.Sa puntong iyan nagpalitan kami ng aral.Nagtagal siya sa Mindoro at sa baryo Alibug, Occidental,may grupo doon ng mga babaylan at buwan ng September 25, ay may pagtitipun ng lahat ng Babaylan .Naisama niya ako dito at gusto kong matutu ng lahat-lahat.Dito ay sabay-sabay silang nag-aalay.May malaking siga sa gitna ng grupo.May tatlong malalaking baboy na kinatay at mga 13 manok na nabalahibuhan na.Sa simula ng seremonya na pinangungunahan ni Vicente dela Paz, nagsimulang maghagis ng maraming kamangyan sa apoy, may inuusal sila na di ko maintindihan.Ang iba may mga dalang sibat na buho ng kawayan at ang iba ay pana na ang bala ay buho rin ng kawayan.Nagulat na lang ako ng magtayuan ang mga baboy na nalinis na at nagsitakbo palayo.Dito nakaabang ang mga Babaylan na may hawak ng sibat at pinagsisibak ito.Hiyawan ang mga naroroon.Nang nag bagsakan ang mga baboy ay sinundan naman ng pagtayo ng mga manok na nagilitan na at nabalahibuhan na.Gayon din ang ginawa ng mga taga roon at kung tamaan naman ng mga sibat at pana ay nagbabagsakan na ito.Saka nila kukunin at iluluto.Kanya-kanya sila ng trabaho sa pagluluto.Akoy manghang-mangha sa pagkat ganito pala sila.Habang nagluluto ang iba ay pumasok kami sa bahay ng puno na si Vicente dela Paz, ipinakilala nila kami sa mga kasamahan niya at sa pag-uusap ay tila may paligsahan (tournament ng mga Mutya).Kabilugan ng buwan noon at kahit walang ilaw sa labas ay maliwanag dahil sa sikat ng Buwan.Sa pag-uutos ni Talahib, pumili siya ng limang mutya sa gamit namin, ang isa ay tinatawag niyang si Pusod kasi sa kabilugan nito ng kulay itim ay may parang pusod sa gitna, ang isa ay si Sawa,tila isang bagang ng hayop na sinasabi niyang si Sawa,isa pang bilog na bato na kulay pula, at si gagamba na kulay brown,at isa pang kung tawagin niya ay si tao.Pag binasa mo ang likod ng mutya ay may mukha ito ng tao na nakangiti.Sa takbo ng pangyayari ay may usapan na kung sino ang makakalaban naming.Lima rin ang kanyang inilabas na mutya.\pinunasan naming ito ng luya at saka tinuob ng kamangyan at tinawag ni Talahib ang mga espiritu nito.Tila gayon din ang ginawa ng makakalaban namin.Sa gitna ng umpukan ay may pinggang bastos na mahaba na pinaglalagyan ng kanin sa pagkain.Luma siya at matining ang tunog ng pinggan.Sa tabi ng pinggan ay may kandilang puti at luya sa tabi.Inilagay namin ang aming mga mutya sa isang sulok gayon din ang kalaban naming.Maingay ang mga butiki sa paligid, maging sa labas.Naghintay kami kung ano ang mangyayari.Nang may 20 minutos, biglang naghiyawan ang mga butiki,para bang ingay ng boxing bago maglaban.Tila nagpupustahan…Maya-maya ay may gumalaw sa isa sa aming limang mutya, paikot ito palapit sa tumpok ng kabila.May gumalaw din sa kalaban,umiikot ito ng matining na parang holen palapit sa gitna.,ang sa amin ay si Pusod ang umiikot palapit sa gitna .Nang magdikit ang dalawa ay biglang tigil ang hiyawan ng mga butiki at pati kami ay natigilan at nakiramdam, maya-maya ay may lumagitik, basag ang kadikitan ni Pusod.Naghiyawan uli ang mga butiki, pati na ang mga taong nagmamasid sa paligid, panalo kami.Umikot uli pabalik si pusod sa grupo sabay galaw na naman si Sawa na parang bulate kung kumilos.Dinampot ng kalaban naming ang nabasag na mutya niya at gumalaw din ang isa sa kanila at nagpanagpo ulit ang dalawang mutya sa gitna ng pinggan. Hiyawan uli ang mga butiki, nagdikit uli nabasag uli ang sa kalaban.Sa pangatlo sumabak si pula, at gayon din ang nangyari, maghiyawan ang mga butiki, pati ang mga taong nanonood ay tila nagkakantyawan nagpupustahan din, tila napikon ang kasama nila at kinuha ang nalalabi pang niyang mutya at pinalitan ng Batong mundo ang tawag, dito sa parteng ito, kinuha na naming ang aming gamit sa pinggan at tila nagkakainitan sa usapan.Iba naman ang naglaban at kami ay iniwas ni Vicente sa umpukan at sa ibang bahay nagpahinga.Hindi ako makapaniwala sa aking nasaksihan.Sana ikako kung may dala kaming Video o Camera lang man upang aking ibedensya.,pero hindi pa uso ang Video noon.Nakuha ni Vicente ang aking medalyong Atardar na may Jose Rizal kapalit ng 4 pang mutya ng apoy at tubig.Namatay na si Talahib sa kulam ng Mindoro, at hindi ko narin alam kung buhay pa ang mga taong si Vicente dela Paz na leader ng grupong Babaylan sa Alibug,Occ.Mindoro…isa yan sa kasaysayan na hindi ko malilimutan…