KABUTE (MUSHROOM)

Maraming kasaysayang nag-uugnay sa mga maliliit na tao sa mga kabute, na ang biglaang pagsibol at paglaki ay pinagtatakhan ng mga tao noong unang panahon. Kaya sa kalaunan, ang mga taong may malilikot ng guni-guni, ay humabi ng kasaysayan na ang supernatural na mga kaganapan sa kanilang kapaligiran na kanyang pinagtatakahan ay iniuugnay sa mga kabute. Naniniwala sila na ang kabute ay isa sa mga lugar na pahingahan ng mga dwende.

Ngunit kung atin masusing sisiyasatin ang bagay na ito sa sinaunang alamat ng mga Pinoy, ang kabute ay itinuturing lamang bilang isang masarap na pagkain at walang halong supernatural na kaugnayan sa mga Faerie.

Nito na lamang pagdating ng mga Kastila, ang halamang ito ay nakilala bilang tahanan ng mga elementals. Dahil sa isang pangyayari at sa mga kuwentong bayan dala-dala ng mga dayuhan.

May dalawang uri ng kabute na nakalalason; ito’y ang deadly amanita at destroying angel. Karaniwan itong tinatawag na Toadstools, dahil madalas na makakita ng palaka sa ibabaw nito, na nakaupo at nag-aabang ng makakaing insekto.

Dahil iniuugnay nga ang kabute sa mga supernatural na kaganapan, ang European ay humabi ng isang alamat tungkol kay St. Veit, na tuwing June 15, ang panahon ng thunderstorm; ay sumasakay daw itong patron sa kanyang kabayong bulag upang magpunla ng mga kabute sa kanilang dinadaanan. Para mabigyan lamang kasagutan ang kanilang pinagtatakahang pagtubo ng mga kakaibang hugis ng kabute at iba’t-ibang kulay nito, na kung minsa’y kumikinang pa dahilan sa hamog.

Ang mga ganitong uri ng kabute ay pinaniniwalaan nilang isinasaboy ni St. Veit sa lupa kaya ito’y malinamnam at masarap kainin. Ngunit ang ibang uri, na may katangiang nakalalason ay kinokonsiderang isang palatandaan ng pagiging halaman ng Diablo at ng mga masasamang Fairies. Gaya ng isinasaad sa isang tula na ito’y kanilang ipinupunla kung gabi.

Ang kabuteng mayroong pinakamalapit na kaugnayan sa mga Fairies ay ang pulang Fly Agaric (Amanita Muscaria). Na tulad ng nabanggit ko na ito’y isang mabagsik na lason. Ngunit kapag kaunti lamang ang nakain ng isang tao, ang epekto nito ay parang nakalalasing na gaya ng nakainom ng drugs.

Sa mga sinaunang yogi ang uring ito ng kabute ay ginagamit nila upang mabuksan ang ‘spiritual vision’ at makita nila ang mga natatagong dimension. Inaani nila ito kung buwan ng May sa araw ng Fullmoon; at iniluluto na may halong kunting dugo galing sa kaliwang hinlalaki ng kanilang daliri. Saka iinum nang kunti pagsapit ng 12:00 A.M.

Dahilan na karaniwang pagkain ng tao ngayon ay tamasik at kulang na sila nang tiyaga at tatag ng kalooban sa ispiritual na disiplina. Ang ganitong pamamaraan ng pag-develop ng 3rd eye ay ipinagbawal na. Sapagkat sa halip na ito’y magdulot ng ispiritual na kaluwalhatian, negativo at nakalalason na ang tuwirang naging epekto sa ating central nervous system. Na magpapabago sa metabolismo ng ating katawan at tuloyang maiba ang pagkakasaayos ng ating genetic code patungo sa mas pangit na porma.

Sinasabing sa Cebu, ay katatagpuan ng ganitong uri ng kabute kaya maraming tao na mahilig sa pagtuklas ng karunungan ang pumupunta roon upang sumobok sa bisa ng naturang kabute.

Noong panahon ang kabute ay nakahiligan kainin ng mga Pilipino, maraming tao ang sinasabing araw-araw kumakain nito ang nagkasakit nang natutulog sa luob ng isang buwan at hindi na magising-gising. Ang iba pagkaraan nang mahaba-haba pang panahon ay nagkaanak sa lahi nila ng abnormal o freak.

Dahil na rin sa mga kuwentong banyaga, dito nagpasimula na iugnay ang nasabing pangyayari sa supernatural na bagay. Para lamang mabigyan kasagutan ang mga bagay na hindi nila lubos na maipaliwanag at maunawaan. Sa panahong ito ng Castila, ang mga tao lumikha ng kuwento tungkol sa mga faerie at maging ang palaka na laging nakikitang nakaupo sa naglalakihang kabute, ay sinabing nuno sa punso o dwende na nag-anyong palaka.

Ang tunay na dahilan nito kahit ang kabute na sinasabing puweding kainin at hindi nakalalason, ay may taglay itong chemical na tulad sa drugs na nagbibigay negativong epekto para mabago at masunog ang ating genetic film, matagal lamang bago mag-epekto.

Ang mga Vikings ay nagsisikain ng piraso ng kabuteng ito para maging mababagsik sa labanan. Ang tawag nila sa mabangis na kundisyong kaloob ng kinakaing kabute ay “Berserk.”

Sa Viking mythology, isinasaad na si Woden o Odin ay hinahabol ng mga Diablo, na sakay ng kanyang kabayong may anim na paa, si Slepnir, ang mabulang-mabula ng laway na nahuhulog mula sa bunganga nito habang sila’y tumatakbo ay tila-madyik na nagiging pulang kabute – ang Fly Agaric o Fly Amanita. Ito ang dahila kaya sa paniniwala ng mga Vikings ay regalo sa kanila ng mga Diyos ang kabuteng ito.

Sa kabilang banda ang mga Celts ay mahigpit na ipinagbabawal ang pagkain ng Fly Agaric, kagaya ng ginagawa ng mga Vikings. Kabilang sa pagbabawal na ito ang lahat ng mga pagkaing kulay pula, kagaya ng rowan - berries, red nuts at iba pang pulang prutas. Naniniwala silang ang mga pagkaing kulay pula ay para lamang sa mga Diyos.

Sangayon naman sa mga natuklasang pananaliksik ng mga kasaysayan hinggil sa bagay na ito. Ang Ambrosia na sinasabing nectar ng mga Greek Gods, ay walang iba kundi ang Amanita Muscaria na itinuturing na sagradong kabute na ginagamit ng mga pangkat ng tao na umaabot hanggang sa Siberia, Mexico at Borneo.

Ang katas ng Fly Agaric ay nagpapasigla sa katawan ng uminom kaya ito’y masiglang nagsasayaw at nakamamalas ng mga pangitain at nakakausap ang mga Fairies na hindi nakikita sa karaniwang kalagayan. Ang mga kabute ay nagsisilbing magic faerie seat o kaya naman ay nagsisilbing susi para mabuksan ang lihim na pintuan ng kaharian ng Faerie.

Ang iba pang uri ng kabute na itinuturing na pag-aari ng Faerie ay mayroong pangalan na hindi maikakaila – ang Yellow Faerie o Yellow Faerie Club, Slender Elf Cap, Dune - Pixie Hood at Dyad’s Cradle.